«Кітап сыйла» акциясы

«Кітап дегеніміз - алдыңғы ұрпақтың артқы ұрпаққа қалдырған рухани өсиеті. Кітап оқудан тиылсақ, ой ойлаудан да тиылар едік», - деп көрнекті жазушы Ғабит Мүсірепов айтқандай, кітап оқу - адамға өзіндік әсер етіп, оның адам болып қалыптасуында маңызды рөл атқарады.

«Қазмұхамбед Қарашаұлы атындағы Сарайшық орта мектебі» КММ-де жас ұрпақтың рухани байлығын, дүниетанымын кеңейтіп, сөздік қорын молайтып, патриоттыққа тәрбиелеу мақсатында 14 ақпан Кітап сыйлау күніне орай кітапханашы Заки Ақтоты, қазақ тілі мен әдебиет пәні мұғалімі Алтай Алмагүлдің ұйымдастыруымен «Кітап сыйла» акциясы өткізілді. Шараға мұғалімдер мен оқушылар белсене қатысып, кітапты сыйға тартты.